Канадын Модон Каркасан Барилгын Технологийг Нэвтрүүлэх Төсөл

Канадын орчин үеийн модон каркасан барилга нь модон хийцтэй барилгын систем болон газарзүйн ямар ч цаг агаарын нөхцөлд зориулагдсан бүтээгдэхүүний дэвшлээрээ дэлхийд тэргүүлж байна. Канадын сууцны стандарт, болон модон каркастай барилгын технологи дэлхийд танигдсан. Энэхүү сууц нь өртөг багатай, эрчим хүчний хэмнэлттэй, бат бөх, дулаан, барихад хурдан, эдэлгээ урт, эрүүл мэндэд тустай орчинг бүрдүүлсэн “ногоон” барилга юм. Дэлхийд хамгийн том модон материал экспортлогчийнхоо хувьд Канад улс дэлхий нийтийн жишигт нийцсэн, чанарын шаардлагыг хангасан бүтээгдэхүүнүүд нийлүүлдэг.

• Энэхүү технологи нь дэлхий даяар хүлээн зөвшөөрөгдсөн
• Дулаан, тав тухтай, эрүүл орчинг бүрдүүлдэг
• Эрчим хүч бага зарцуулна

• Модон каркасан барилгыг сунгаж, өөрчлөхөд хялбар
• Богино хугацаанд барьж, угсардаг
• Өвөл барих боломжтой
• Газар хөдлөлт болон хүчтэй салхи, шуурганд тэсвэртэй
• Монгол улс шинэ норм дүрэм, стандартыг батлан, мөрдөж байгаа

“Канадын Модон Каркасан Барилгын Технологийг Нэвтрүүлэх”

Төслийн үйл ажиллагааны танилцуулга

2008 оноос ЗТБХБЯ, Канадын Ойн Аж Ахуй Хөрөнгө Оруулалт Шинэчлэлтийн Агентлаг, Шинжлэх Ухаан Технологийн Их Сургууль /ШУТИС/ хамтарч “Канадын Модон Каркасан Барилгын Технологийг Нэвтрүүлэх” төслийг хэрэгжүүлж эхэлсэн.

Төслийн үйл ажиллагааны үндсэн чиглэл нь:

· -   - Сургалт

· -   - Судалгаа

-     - Мэдээлэл

Сургалтыг барилгын салбарын аж ахуйн нэгж байгууллага, иргэд, инженер техникийн ажилтан, явуулж, технологийн талаарх судалгааг хийж мэдээллээр ханган ажиллаж байна.

Уг технологиор одоогийн байдлаар:

· ЗТБХБЯ-ны “Шинэ сумын төв” төсөл,

· “Багийн төв” төсөл,

· БСШУЯ-ны “100 хүүхдийн модон араг бүтээцтэй цэцэрлэгийн барилга”-ын төсөл,

· НҮБ-ын “Барилгын эрчим хүч хэмнэлт”-ийн төсөл зэрэг томоохон төсөл хөтөлбөрүүд хэрэгжиж байна.